Härzlig willkomme
Unseri Saison isch leider z’Änd!
Mir hän gspiilt vom 19.02. – 12.03.2021
Nach 19 Vorstellige sage mir unsere 174 Zueschauer dangge vyylmool für’s Mitmache!
Aber unseri Abentüür göhn neueme anders wytter:
Vom 20.03. – 18.04.2021 spiilt d Projäggtgruppe Ludwig Arts e Online-Krimi-Adventure im Forum Würth.
Schön hesch du zue uns gfunde.
Vermissisch d’ Fasnacht au so wie mir und weisch kei Linderig gege ‘s dumpfe, wehmietige Gfühl vom Schränze in de Ohre, dr Morgestraich im Härz und d’ Räppli in de Lunge?
Denn gib dr e Rugg und wart nid länger, sunscht wird ‘s dr numme bang und bänger.
Linderig diemer dir nid bringe, sondern im Gegedeil: e Ode uf d Fasnacht singe!
By ainewäg.ch verschmilzt d’ Bequämligkeit vomene Online-Aaloss vo dehei us mit dr Gselligkeit während dr Fasnacht. Wär mitmacht, ka d’ Hauptfigur in eme Fasnachtskäller ummedirigiere und mit ihm virtuell e Reis dur verschiideni Zytte vo dr Fasnacht mache, interessanti historischi Fakten und luschtigi Anekdote über d’ Fasnacht höre, verruggti Charaktere adräffe, Rätsel löse und sich so sälber an dr Gschicht beteilige.
D’ Mission: D’ Rettig vo dr Frau Fasnacht!
Egal öb de Cliquenmitglied, Guggenmajor, Schnitzelbänggler, Fasnachtsfan bisch oder eifach nur so yyneluege willsch – es isch für jede öbbis derbyy.